هلا بجيتك يبو فاضل يمن جيت جبت فرحة كلب زينب يمن جيت بسمها انت شكثر تلهج يمن جيت كفيل العايله جفوفك هديه
..……
الشاعر
ایاد الفرح التميمي

تعال اورث ملك جدك وهيمن
واتيه ابعالم الطافك وهيمن
عليك أبامهم اجدادك وهيمن
امك فاطمة تنظر عليه
...... .........
الشاعر
اياد الفرح التميمي

يمهدي ذنبي اشكيلك وقربي
اماني وياي اشوفنك وقربي
كلامك نظف بسمعي وقربي
دخيلك اعطف بلطفك عليه
.......
الشاعر
اياد الفرح التميمي

ينعمة خالقيي الفاطر وربي
امامي سيدي وعوني وربي
اخذ گلبي الك مني وربي
بدونك لا قدر لا معنه إليه
.....
الشاعر
اياد الفرح المهدوي

كَلبنه عله البعد نايح ونهواه
ونحبكم يرضا تدري ونهواه
كرمكم للطلب منكم ونهواه
ضلع فاطم عليك تحن عليه
........
اياد الفرح المهدوي

بدونك الوكت شدنه شفلنه
منو غيرك يبو صالح شفلنه
وينك من لطف جفك شفلنه
تعال وبالعجل يابو الحميه
............
الشاعر
اياد الفرح المهدوي

الهي العاصي والمذنب ترانه
عصيتك انت تسمعني تراني
الوحيد التعرف بحالي تراني
برحمتك ياقدير اغفر إليه
......
الشاعر
اياد الفرح المهدوي

اذا ما اصلي معناها سهملاك
وكل ذنب البدر مني سهملاك
الك من الله بجفوفك سهملاك
تغير والتريده يصير بيه
...........
الشاعر
اياد الفرح التميمي

بذكرك الهموم تزيل ونسه
لهج طرواك يالبروح ونسه
ياسيدالملاك الجان ونسه
بيدك كل أمر يابو الحميه
... . .
الشاعر
اياد الفرح المهدوي

برق نور بسمه الباري ونرجس
ورد جـوري إلك اهـدي ونرجس
البتـول اللـيلة فـرحانة ونرجس
عـليك بنرجس أمك حـن عليه
..........
الشاعر
اياد الفرح المهدوي

اطيب بساع واشفه من تدعلي
واضيع بدون جفك من تدعلي
بلاك الناس كلها من تدعلي
يتيم وانت بس تعطف عليه
.......
الشاعر
اياد الفرح المهدوي